Sept.19, 2016
HUWAG basta-basta maniwala ang sinuman sa
inaasahan nang denial o pagkakaila ni Leila de Lima na tumanggap siya ng SUHOL
mula sa mga drug lords na nakabilanggo sa New Bilibid (NBP) Prison sa Muntinlupa.
Kung talagang wala siyang kasalanan, at
gawa-gawa lamang at puro kasinungalingan ang mga sinasabi at sasabihin pa ng
mga tetestigo laban sa kaniya sa House of Representatives bukas, BAKIT AYAW
NIYANG PUMUNTA sa hearing at
KOMPRONTAHIN ang mga ito? Sinumang
inosenteng tao na pagbibintangan ng mga ILEGAL na gawain ay AGAD NA SASAMANTALAHIN
ANG UNANG PAGKAKATAON na harapin ang nagbibintang at patunayang sinungaling
ito. Agad na magdedemanda ang inosente at susuntukin pa o tatadyakan ang
nagbibintang kung talagang nagsisinungaling ito.
Pero hindi ito gagawin ni De Lima. Hindi siya
sisipot sa hearing sa House.
Ayon sa mga balita, may ilalabas din daw na
mga ebidenisiya ang mga tetestigo laban sa kaniya. Ang tunay na inosente,
MAGMAMADALI PANG MAILABAS agad ang mga ebidensiya upang patunayang wala siyang ginawang mali. Hindi rin ito gagawin ni De Lima. Pero WALA NA SIYANG
TIGIL sa pagpupumilit na wala siyang tinanggap kahit singko mula sa mga drug
lord sa Bilibid, at puro sinungaling ang mga tetestigo laban sa kaniya at peke
ang anumang ebidensiyang ilalabas ng mga ito, TALO pa niya ang manghuhulang si
Madam Auring., Hindi pa nagsisimula ang hearing ay alam na niya ang mangyayari.
SARILING SALITA lamang ang pinakikitang
BASEHAN ni De Lima hanggang ngayon para paniwalaan siya. Pero 100 porsiyento
akong sigurado sa isang bagay: Tanging SALITA LAMANG NG PANGINOONG DIYOS ang walang
kailangang anumang ebidensiya.30
No comments:
Post a Comment