GLENN CHONG, LALONG KINAKATAKUTAN!

Kung mapapansin ninyo, mga kababayan, habang tumatagal ay LALONG KINAKATAKUTAN si Glenn Chong.

Noong una ay sa exposes lamang niya sa dayaan  ang practically HINDI LUMALABAS sa national media. Mayroong ilan pero mabibilang mo sa daliri at hindi pa prominente ang puwesto o ang haba ng istorya. Sa Facebook niya lamang regulare na lumalabas ang mga pahayag niya.

Lumawak ang media blockade na ito kay Glenn nang patayin ang personal aide niya na si Richard Santillan. Bukod sa pagreport ng krimen isang araw matapos itong mangyari noong Dec. 10 noong isang taon, dalawa o tatlo na istorya na lang yata ang lumabas tungkol sa pagpatay kay Richard. Tapos noon ay WALA NANG LUMABAS anuman.

Kahit na iyong pagdemanda na ni Glenn isa dalawang police general at ilang opisyal ng mga ito na nasasangkot sa pagpatay kay Richard ay HINDI RIN LUMABAS. Samantalang LEHITIMO AT MALAKING BALITA ITO, dahil nakatutok ang sambayanan sa pagpatay kay Richard.

Ngayon, PATI PANGANGAMPANYA ni Glenn at ang MAINIT na pagtanggap sa kaniya sa iba-ibang lugar ay WALA RING LUMALABAS sa national media. Sa Facebook page lamang niya nakikitaang halos wala ng tigil na suporta na nagmumula sa iba-ibang lugar sa PIlipinas at iba-ibang bansa.

Ang matindi, mga kababayan, PILIT BINA-BLACKOUT si Glenn sa media pero WALA ring nagdedemanda hanggang ngayon sa mga taong derechahan niyang inakusahan ng KAWALANGHIYAAN. Isama na rin natin ang Comelec at ang Smartmatic.

Iisa lamang ang ibig sabihin ng lahat ng ito – TOTOO ANG LAHAT NG MGA IBINULGAR  at patuloy na binubulgar ni Glenn. Itanim natin sa isipan natin ito, mga kababayan. Tayo lamang na sambayanan, at wala ng  iba, ang tutulong pa kay Glenn.

                                                       ***

Makakatulong  po ng malaki para araw-araw akong makapag-post kung iki-click ninyo at titingnan ang mga advertisement sa paligid ng ating blog. Salamat po lagi sa tiwala. God Bless us all. 30