Sept. 4, 2016
Bukod sa
Abu Sayyaf, na ayon sa mga ulat ay umamin nang sila ang may kagagawan, mayroon
pang MAS DAPAT SISIHIN sa pambobomba sa night market sa Davao City: ANG MGA SUMUSUPORTA
sa naturang grupo, at sa LAHAT NG MGA TERORISTA.
Hindi lang iyung mga nagbibigay ng pera para
sa anumang dahilan. Pati na yung mga AGAD NA PINAGTATAKPAN ang Abu Sayyaf, sa
pamamagitan ng AGARANG PAGSISI sa pulisya at sa militar dahil sa napalusutan
ang mga ito. Isama na rin ang mga TAGAPAGTANGGOL ng mga terorista, sa pamamagitan
ng AGARANG PAGREREKLAMO AT PAGIIMBESTIGA kapag may napatay sa mga ito. At
MALA-SEMENTERYONG KATAHIMIKAN SA HATINGGABI kapag mga inoszenteng sibilyan
lamang ang namatay, tulad ng nangyayari ngayon sa 14 na namatay sa Davao City
bombing. Huwag rin nating kalimutan ang mga nagbibigay ng impormasyon para maisagawa
ang krimen at iba pang paraan ng pagtulong sa mga terorista. KUNG WALA ANG MGA
ITO, BUTAS NG KARAYOM ang dadaanan ng mga terorista bago maisagawa ang anumang
balak nila.
Itong mga taga-suportang ito ng mga terorista
ang dapat din nating hanapin at isumbong sa pulisya o sa militar. Ang mga hindi
dapat tulungan pag sila ang mga nangailangan o nagkaproblema. Ang mga dapat
iwasan ng lubusan, bilang kaibigan man o kapitbahay o ordinaryong kilala
lamang. Kung gaano kasama ang mga terorista, gayundin ang mga taong ito. TERORISTA
RIN SILA, SA SARILI NILANG PAMAMARAAN!
Kayong mga kakampi ng mga terorista, Isipin
ninyo ito: Hindi imposible na ang mga ANAK NINYO, ASAWA, MAGULANG O KAPATID at
iba pang mga mahal sa buhay ang MAMATAY o masugatan sa susunod na krimen na
isasagawa nila, SA TULONG NINYO. Walang [akialam ang mga terorista kung sino
man ang mamatay, o masugatam sa gagawin nilang kademonyuhan. At kung tuluyan
mang magkagulo sa buong bansa, itanim ninyo ito sa utak ninyo: HINDI LANG
KAMING MGA INOSENTE KUNDI PATI KAYO, HINDI RIN MATATAHIMIK. Kayo at ang pamila
ninyo at mga mahal sa buhay. TANDAAN NINYO. 30
No comments:
Post a Comment