PNOY BABALE-WALAIIN ANG KONGRESO SA BBL!

BABALE-WALAIN ni PNoy ang Kongreso kung kinakailangan para matupad ang gusto niya sa panukalang Bangsamoro Basic Law (BBL).

Sa isang ulat sa manilastandardtoday.com., inihayag mismo ni PNoy sa Iloilo City kahapon, Hunyo 11, na magagawa pa rin niyang palakihin ang Bangsamoro entity na magiging resulta ng BBL kahit na tanggalin ng Kongreso sa pinal na bersyon ng naturang panukalang batas ang ‘opt-in’ clause. Ito ang probisyon na nagsasaad na maaaring sumali sa Bangsamoro entity ang ibang lugar sa pamamagitan ng plebisito kapag kahit 10 porsiyento lamang ng mga reesidente ay magpapayhayag ng interes. Binigyang-diin ni PNoy na wala siyang dapat gawin kundi maglabas lamang ng Executive Order kapalit ng ‘opt-in’ clause.

Tulad ng alam nating lahat ang dalawang kapulungan lamang ng Kongreso, ang Senado ay ang Kamara, ang MAY TANGING KARAPATAN NA MAGBUO AT MAGPASA ng anumang panukalang batas. Walang ganitong karapatan ang Presidente. Maaaring magpanukala ng mga pagbabago ang Presidente sa panukalang batas ngunit kung walang babaguhin  dito, DAPAT NA SUNDIN niya ito ng BUONG-BUO. At hindi iyong gagawa siya ng paraan para MATUPAD PA RIN ANG GUSTO NIYA na inalis na ng Kongreso. Kahit presidente siya, OBLIGADO pa rin si PNoy na IGALANG ang anumang magiging pasoya ng Senado at Kamara sa anumang panukalang batas. Dahil ayon MISMO SA KONSTITUSYON, MAGKAKAPANTAY na sangay ng pamahlaan ang Ehekutibo na pinamumunian ni PNoy, ang Kongreso o Lehislatura at  ang Judiciary o Hudikatura.

Kapag hindi mo iginalang ang pasiya ng kinauukulan sa anumang bagay, at gagawa ka pa ng paraan para matupad ang gusto mo na inayawan na, walang ibang puwedeng itawag doon kundi PAMBABALE-WALA. Sa katunayan, hindi lang pambabale-wala kundi PANGIINSULTOI na rin dahil  para mo na ring sinabi sa kinauukulan na “Tatanggal-tanggal  ka pa ng gusto ko eh kayang-kaya ko namanbg gawan ng paraan.”

MENTALIDAD na ito ng isang DIKTADOR. 30