BAWASAN NA ANG PAGSAKAY SA MRT

04 June 2015

Simulan na nating BAWASAN ANG PAGSAKAY SA MRT!

LANTARANG PANLOLOKO AT PAGPAPAHIRAP na ang ginagawa ng MRT sa atin.  LANTARANG PANLOLOKO AT PAGPAPAHIRAP MA KINUKUNSINTI ng Aquino government at ni Transportation and Communications Sec. Jun Abaya. Kung hindi natin babawasan ang  pagsakay sa MRT, mas LALONG WALANG DAHILAN ang kinauukulan na madaliing ayusin ang mga tren, at ang kanilang serbisyo.  Dahil tinitiis natin ang IMPIYERNONG BINIBIGAY NILA sa araw-araw.

HALOS ARAW-ARAW na kung magkaaberya ang MRT at maantala ang biyahe ng mga ito. Hindi lang ang tren mismo kundi kung minsan, pati na mga riles. Minsan nga ay hinjdi na sinasabi ang dahilan. Kaninang umaga  lamang ay BUMABA sa siyam ang bilang ng mga MRT trains na tumatakbo. Ang dahilan naman ngayon, sira ang airconditioning system ng mga ito.  Masikip pa sa lata ng sardinas kung magsiksikan ang mga pasashero, lalo pa sa umaga o pag rush hourna sa hapon. Maalog ang mga tern pag tumatakbo ay kung mahina ang resistensiya ng pasahero ay mahihilo dahil sa sobrang init at sari-saring amoy sa loob ng mga bagon.    

Ang lahat ng ito ay NAGAGANAP sa kabila ng pampublikong pahayag ni Sec. Abaya na isa  sa mga dahilan ng pagtaas ng pamasahe sa MRT ng halos 50 porsiyento ilang buwan na ang nakakaraan ay para  mapabuti ang serbisyo.  TULUY-TULOY ang KALBARYO natin ng sobrang taas ng pamasahe pero SUMASAMA sa halip na bumuti ang serbisyo ng MRT. Tuluy-tuloy ang AKYAT NG KUWARTA  sa kanila at WALANG PAKIALAM si Abaya o si PNoy sa tuluy-tuloy din nating pagdurusa.

Bakit walang pakialam? Hanggang ngayon, KAHIT ISA AY WALANG NAPAPARUSAHAN O NAKAKASUHAN, o nasususpindi dahil sa tuluy-tuloy na PAGSAMA NG SERBISYO NG MRT.  Kahit isa. Itama ako ninuman kung mali ako. WALA man lang tayong MARINIG NA UTOS si PNoy o si Abaya na magpaliwanag ang sinumanbg dapat magpaliwanag. Basta bayaran natin ng tuluy-tuloy ang dagdag pasaheng hinihigi nila at WALA TAYONG PAKIALAM kung saan napupunta ang pera o kung HANGGANG KAILAN NILA TAYO PAHIHIRAPAN.

Kaya’t yung mga kayang gumising ng maaga, gumising na. Bawasan na natin unti-unti, hanggang sa makaya na nating TIGILAN, ang pagsakay sa MRT, at ang pagbibigay natin ng dagdag kita sa kanila na WALA NAMAN TAYONG NAPAPALA. Binibigyan nila tayo ng sakit ng ulo at katawan sa pagsakay natin sa MRT, puwes sila naman ang pasakitin natin ng ulo sa KABAWASAN NG KUWARTANG kikitain nila at sa trapikong ibubunga ng pagbuhos natin sa kalye sa agaabang nga bus Io iba ang masasakyan.

Tandaan ninyo, SARILI NATIN ang pahihirapan natin kung patuloy nating  tatangkilikin ang  panloloko at pagpapahirap sa atin ng MRT. 30