NILULUTO NA ANG WANG BO CASE!

Tila NILULUTO na ang Wang Bo case, mga kababayan! At huwag na tayong magugulat kung  sa pagharap ni Wang sa Kongreso ay mabilis pa sa kidlat na ikaila niya ang diumano’y P440 milyong ISINUHOL NIYA sa Bureau of Immigration and Deportation (BID) kapait ng kaniyang kalayaan. Suhol na ginamit diumano para matiyak ang pagpasa ng panukalang Bangsamoro Basic Law (BBL) sa Kongreso.

Ayon sa isang balita sa manilastandardtoday.com, inihayag ng abugado ni Wang na si Dennis Manalo na hindi na pinakakausap sa kanya ito mula pa noong simulang imbestigahan sa Kongreso ang diumanong pamimigay doon ng snuhol niya kuno. HINDI KO SINASABING INOSENTE SI WANG! Pero hindi magpapahayag ng ganito si Manalo kung hindi ganito ang kaniyang nararanasan sa kinapipiitan ni Wang sa Camp Bagong Diwa sa Tagig, dahil maaari siyang idemanda ng mga opisyales doon. At sa ilalim ng ating batas, karapatan ni Wang na makausap ang kaniyang abugado.

Kung sasabihin naman ng mga opisyales ng Camp Bagong Diwa na may sakit o may nagawang  kasalanan si Wang, mas lalo nilang dapat ipakausap ito kay Manalo para magamot o maitama ang anumang naging pagkakamali dahil abugado niya ito.  Kaya’t  anuman ang dahilan at ayaw ipakausap si Wang kay Manalo ay HINDI TAMA. Kapag gumawa ka ng hindi tama, ILEGAL O IMORAL ang motibo mo.

At sa sitwasyon ni Wang, WALA NANG POSIBLENG maging motibo pa kundi ang impluwensyahin o ikondisyon ang kaniyang utak para ang sasabihin nya pagharap niya sa Kongreso bukas ay ayon lamang sa kagustuhan ng mga may hawak sa kaniya. Dahil KADUDA-DUDANG kung kalian siya nakatakdang humarap sa imbestigasyon ng Kongreso ay saka siya ayaw ipakausap bigla sa kaniyang abugado  Kumontra na ang kokontra. 30