NAKIKIALAM NA ANG GOBYERNO SA USAPING WANG BO !

.Mas lalong DAPAT PAGDUDAHAN NGAYON ang mga pangunahing opisyal ng Bureau of Immigration and Deportation (BID) sa umano’y pangingikil nila ng  P440 milyon mula kay suspected Chinese crime lord Wang Bo para pangsuhol umano sa mga congressman at matiyak ang pagpasa agad ng panukalang Bangsamoro Basic Law (BBL). At para sa akin, NAKIKIALAM NA ang Administrasyong Aquino. Dahil ang gobyerno ang MASISIRA NG HUSTO sa usaping ito.

Tulad ng dapat asahan, ikinaila nina Immigration Commissioner Sigfried Mison at Deputy Commissioners Abdullah Mangotara at Gilbert Repizo sa Kongreso ang panunuhol umano ni Wang Bo. Ngunit pansinin ninyo, mga  kababayan:  HALOS ISANG LINGGO nang lumalabas araw-araw sa pahayagang Manila Standard Today ang kontrobersiya at ang PAGTUTU-TURUAN nilang tatlo. Pero kanina, BIGLANG BUMALIGTAD si Mison sa Kongreso, IKINAILA pa ni Mison na siya ang nagsabi ng mga pahayag na ipinangalan sa kaniya sa mga nalathala sa Manila Standard Today.

Kung talagang WALANG NANGYARI, dapat ay PUMALAG NA AGAD SI MISON UNANG ARAW pa lamang na nagsimula ang kontrobersiya sa Manila Standard Today. Dapat ay NAGLABAS siya agad ng opisyal na pagkakaila at pinadalhan ang Standard. AGAD namang ilalathala ng Standard ang kaniyang pahayag, sapagkat ganun ang patakaran sa media, ang ilabas ang LAHAT NG PANIG.  Alam ko dahil dati akong miiyembro ng media. KALOKOHANG isipin na hindi ito alam ni Mison. Pero MALINAW NA HINDI INIYA GINAWA.

Kaya isipin ninyo ito, mga kababayan:  PINAKAMATAAS na opisyal na ng BID si Mison. WALA nang ibang MAKAPAGUUTOS o makakapagpayo sa kaniya kung ano ang gagawin kundi ang mga MAS MATAAS sa kaniya. Iyun ay ang mga NASA KATAAS-TAASAN ng gobyerno. At ginawa lamang ni MIson ang pagkakaila nang ayaw nang tigilan ng Standard ang Wang Bo controversy, at  nang magpahayag na ang liderato ng Kongreso na hindi nila masusunod ang deadline na gusto ng Malacanang para ipasa ang BBL hanggang bukas, Hunyo 11. 

HINDI DAPAT MAGING SAPAT ang salita lamang ni Mison sa usapin gpangingikil kay Wang Bo. Mga kagalang-galang na  congressman, paalala lamang po: LAHAT KAYO PAGDUDUDAHAN ng taumbayan kapag hindi agad lalabas ang katotohanan sa usaping ito. 30