MAS MAGIGING MAKAPANGYARIHAN NGAYON SI PURISIMA!

MAS MAGIGING MAKAPANGYARIHAN si dating PNP Director-General Alan Purisima sa kaniyang pagbabalik sa serbisyo, kahit na wala siyang posisyon.  Paano?

Taglay na ni Purisima ang pinakamataas na ranggo sa PNP, four-star general. At dahil sa aminado si PNoy na matagal na silang personal na magkaibigan ni Purisima, tiyak na HINDI SIYA PAPAYAG  na mainsulto o mabastos ang kaniyang dating PNP chief  sa pamamagitan ng pagbibigay dito ng puwestong mas mababa sa kaniyang ranggo. At WALA nang mas mataas pa sa Kampo Krame, ang national headquarters ng PNP, kundi ang  MALACANANG.  Kaya’t walang dapat gawin si PNoy kundi italaga si Purisima bilang Presidential Adviser for Police Affairs o anumang kahalintulad na puwesto. Asahan na nating professional courtesy ang ibibigay na dahilan  ni PNoy oras na gawin niya ito.

Presto. Bilang adviser, si Purisima na ulit ang huling pakikinggan ni PNoy sa anumang isyu tungkol sa PNP. MAAARI na niyang KONTRAHIN O HARANGIN O PAKIALAMAN sa pamamagitan ng kaniyang ipapayo  ang anumang BALAK, OPERATION  at anupamang gawain sa PNP.  At ang matindi, wala nang masasabi ang kahit na sino kay Purisima dahil  kikilos siya sa isang OPISYAL  na kapasidad. 

Nadala na si PNoy sa galit ng taumbayan na inabot nila ni Purisima nang makialam umano ang dating PNP chief sa Mamasapano operatio noong Enero 25 kahit na suspendido ito noon. Tiyak na gagawin niyang opisyal ang anumang gagawin ni Purisima mula ngayon.

Kaya’t BALE-WALA ang  pahayag ng liderato ng PNP na WALANG PUWESTO si Purisima sa serbisyo. HINDI PAPAYAG si PNoy na pabalikin si Purisima sa PNP nang HINDI NIYA ITO PAKIKINABANGAN.  Huwag nating kailutan ito, mga kababayan.30