DESPERADONG PANANAKOT NG MILF PARA SA BBL!

DESPERADONG PANANAKOT na lamang ang gi\nagawang paulit-ulit na pagbabanta ng Moro Islamic Liberation Front (MILF), o ng PNoy government, ng giyera sa Mindanao kapag hindi ipinasa o binago ng malaki ng Senado at ng Kongreso  ang bersyon ng panukalang Bangsamoro Basic Law (BBL)) na gusto nila. Desperadong pananakot na hindi dapat pansinin at gawing basehan na L;ALONG DAPAT AYUSING MABUTI ang BBL, sapagkat PANSARILING INTERES na ang nasa likod nito at hikndi ng higit na nakararaming kapatid nating Muslim sa Mindanao.

Una: Ilang araw nang lumabas sa media ang deklarasyon ng 85 MILF commanders, na may tinatayang pinagsama-samang 10,000 tauhan, na HINDI NILA SUSPORTAHAN ang BBL. Hanggang ngayon, HINDI ITO MAPABULAANAN OI MABALE-WALA ng liderato ng MILF. Pangalawa: PUMALAG na rin ang Moro National Liberation Front (MNLF) at ang Sultante of Sulu laban sa BBL. Kapuwa ARMADO ang dalawang grupong ito and HINDI RIN mabale-wala ng MILF ang kanilang isinapublikong pagtutol.

Pangatlo: Hindi rin MATALO O MAKONTROL ng MILF hanggang ngayon ang Bangsamoro Islamic Freedom Fighters (BIFF). Pangapat: Nagdeklara na rin ng PAGAYAW sa BBL ang mga Tausog, ang 14 na angkan ng mga B’laan ng  Maguindanao at South Cotabato, Zamboanga City, lalawigan ng Zamboanga del Norte at Koronadal City sa South Cotabato. Panglima: WALANG MAIPAKITANG katibayan ang MILKF hanggang ngayon na hawak nila ang mayorya o higit na nakararaming Muslim sa mga sasakupin ng BBL .

Kaya’t estudyante man sa high school ay mabilis na maiisip: WALANG MAIPAGYAYABANG NA KAKAYAHAN ang MILF na maghasik ng  kaguluhan sa Mindanao  kung sakaling hindi papasa o babaguhin ng malaki ang BBL. Isang grupo pa nga lang, ang MILF, ay hindi na nila matalo, PAANO sila mananalo sa lahat ng mga tumututol sa BBL kung  pagtutulung-tulungan sila ng mga ito? SINO SA AKALA NG MILF, at ng gobyerno ni PNoy, ang nasisindak nila ng mga banta ng giyera kapang hindi lulusot o babaguhin ng husto ang BBL nila?

Ngayon, makikita natin kung SINO ANG TUNAY NA MATAPANG AT MAKABAYAN sa mga congressman at senador natin. 30