Oct. 7, 2016
KIDS, PAALALA LANG ON DE LIMA…
Nagiikot pala si Leila de Lima sa mga
unibersidad o kolehiyo upang ipaliwanag ang kaniyang panig sa sari-saring akusasyon
laban sa kaniya ngayon kaugnay ng negosyo ng illegal na droga sa New Bilibid
Prison (NBP). Bago maniwala agad ng lubusan ang sinuman, lalo na ang mga
estudyante at mga kabataan, isipin muna
ninyong mabuting mabuti ang mga ito:
AYAW HUMARAP ni De Lima sa House of
Representatives Committee on Justice, na siyang mga nagiimbestiga ng mga usapin
laban sa kaniya. Tulad ng naiintindihan ninyo, DOON SIYA DAPAT MAGPALIWANAG
MUNA, hindi sa inyo. WALANG PUMIPIGIL sa kaniya na humarap sa committee.
Kinumbida siya ng mga ito para magbigay ng kaniyang panig. Iyon na rin ang
PINAKA-MAGANDANG PAGKAKATAON PARA MAKOMPRONTA NIYA ang mga nagdawit sa kaniya
sa bentahan ng illegal na droga sa NBP at patunayan na sinungaling ang mga
itotulad ng kaniyang pinagpipilitan. Siya ang may ayaw.
Ngayon sigurado ako na sinuman sa inyo
na akusahan ng kasing-bigat ng pagkakasangkot
sa illegal na droga ay WALANG AAKSAYAHING ORAS AT PAGKAKATAON
para harapin ang gumawa noon at patunayan ang kaniyang kasinungalingan.
Kaya kayo na ang humatol: BAKIT sa inyo
nagpapaliwanag si De Lima at hindi sa House
of Representatives, sa inyo na wala namang kinalaman sa imbestigasyon
laban sa kaniya? Nagpapaalala lang ako. 30
No comments:
Post a Comment