SI TRILLANES ANG UNANG DAPAT IMBESTIGAHAN!

12 Sept. 2017

Si Antonio Trillanes, at hindi si Pangulong Duterte, ang UNANG DAPAT IMBESTIGAHAN sa mga pinagsasasabi niyang tagong yaman kuno ni Pangulong Digong Duterte at ng mga anak nito.

Sa dalawang dahilan: Kung sa LEGAL NA PARAAN ba niya nakuha ang mga pinagmamalaki niyang mga dokumento at impormasyon kuno  sa diumano’y tagong yaman at kung  peke baa ng mga ito o hindi.

Sa mga hindi gaanong nakakaalam, LABAG SA BANK SECRECY LAW ANG PAGBUBULGAR ng anumang impormasyon tungkol sa bank account ninuman. Maliban na lamang kung ang magbubulgar ay may hawak na utos ng husgado sa bangko na buksan at ipakita ang records ng depositor sa kaniya. BAWAL NA BAWAL DIN ang MAMEKE ng commercial documents tulad ng bank records.

Itama ako ninuman kung mali ako pero mula pa nung kampanya noong 2016 HANGGANG NGAYON, HINDI PA NAPAPATUNAYAN ni Trillanes na wala siyang anumang ginawang ILEGAL sa mga pinagmamalaki niyang ebidensiya at impormasyon sa mga tagong yaman kuno ni Pangulong Digong at ng mga anak dito.

At doon sa PAULIT-ULIT NIYANG HAMON na pumirma si Digong sa waiver para sa bank deposits nito, NOON PANG MAYO NUNG ISANG TAON ay ginawa na ito ng Pangulo. Para sa bintang ni Trillanes na mayroon siyang P211 milyon sa isang sangay ng Bank of the Philippine Islands. Kinalaunan ay MISMONG ANG BANGKO na ang nagsabi na HINDI TUTOO ang mga paratang ni Trillanes. At balido pa rin daw ang waiver, ayon kay chief presidential counsel Salvador Panelo.

Alam kaya, o naiintindihan kaya, ni Trillanes ang kasabihan sa Ingles na PUT UP OR SHUT UP? 30