LEGAL BA ANG DAYAAN SA 2016 VP ELECTION?

Hindi ko na mapigilang itanong ito: LEGAL BA ANG DAYAAN noong 2016 vice-presidential election?

Katulad ko, PARAMI NA NG PARAMI ang nakakapuna na KABI-KABILA NA ANG EBIDENSIYA at senyales ng dayaan na nadiskubre at nabulgar na. Pero HANGGANG NGAYON, KAHIT ISA AY WALANG NABABALITANG KINASUHAN na o sinuspinde o tinanggal sa trabaho.

WALA PA ring nababalitang aksiyon o rekomendasyon hanggang ngayon si Bongbong Marcos protest supervising Justice Alfredo Benjamin Caguioa  sa mga ebidensiya at senyales na mga ito. Tulad ng mga sumusunod:

Basang balota, balotang punit-punit o amoy kemikal, PRE-SHADED NA MGA BALOTA sa pangalan ni Leni Robredo, mga balotang may paso, mga ballot box na binuksan at NINAKAWAN ng mga dokumentong  dapat ay nasa loob ng mga ito ayon sa batas, pagpapadala ng mga RESULTA KUNO NG ELEKSIYON sa Ragay, Camarines Sur ISANG ARAW BAGO ANG AKTWAL NA BOTOHAN, mga square sa tabi ng pangalan ni Robredo sa mga balota na hindi malaman kung saan galling,  outing sa Pansol ng isang tauhan ni Robredo at ng 24 na tao ng Presidential Electoral Tribunal (PET) at HINDI AWTORISADONG PAKIKIALAM ng Smartmatic sa script ng transparency server noong unang gabi ng bilangan. Tulad ng alam na nating lahat, matapos ang PAKIKIALAM NA IYON ay naglaho ang MAHIGIT ISANG MILYONG BOTONG LAMANG ni Bongbong kay Leni sa magdamag lamang.

Mahaba pa ang listahan. Pero uulitin ko, WALANG ANUMANG AKSIYON O REKOMENDASYON si Caguioa sa alinman sa mga ito para malaman agad ang katotohanan. Itama ako ninuman agad-agad kung mali ako.

Nang magreklamo at humingi ng imbestigasyon si Bongbong tungkol sa Pansol outing, sinabi ng kampo ni Robredo na naimbestigahan at naaksiyunan na iyon ng PET bago pa siya nagreklamo. Pero hanggang ngayon, walang maibigay sa kaniyang investigation report ang sinuman.

Nang ireklamo naman ni Bongbong ang mga square, naiulat sa media na alam daw niya ito dahil napagusapan raw ito sa isang briefing bago mageleksiyon. Nang sabihin ni Bongbong na hindi niya alam ang briefing kuno at humingi siya ng minutes o record ng napagusapan at mga dumalo, WALANG NAIBIGAY ANG KAHIT NA SINO SA KANIYA.

Higit sa lahat, huywag nating kaliumutan mga kababayan na WALA pa ring nababalitang aksiyon o rekomendasyon si Caguioa laban sa Smartmatic sa kabila ng NAGUUMAPAW na mga ebidensiya at senyales ng dayaan.

Kung hindi legal ang naging dayaan noong 2016 election, ano tawag dito? 30