DELIKADO TAYO SA COMELEC, MGA KABABAYAN!

DELIKADO tayo sa Comelec, mga kababayan! DELIKADONG-DELIKADO!

Hanggang ngayon, WALA silang MASABI NA AKSIYON na ginawa o ginagawa na nila kaugnay ng DAYAAN sa pamamagitan ng 2016 PRE-ELECTION vote counting machine (VCM( transmissions na ibinulgar ni Glenn Chong sa Senado.

Kaya LAHAT NG POSIBLENG ‘DISGRASYA’ o ‘MILAGRO’ ay maaaring mangyari sa anumang hawak nilang ebidensiya na kayang patunayan ang  buong expose ni Glenn.

Hindi ako computer o information technology expert pero mangangahas pa rin akong sabihin na MALAYA pa rin ang sinuman sa Comelec na baguhin, sirain o pakialaman sa anumang paraan ang anumang makinarya o dokumento. Para kahit ga-tuldok, may maipakita silang DOUBT O ALINLANGAN sa mga ibinulgar ni Glenn.

Maaari ring biglang ‘masunog’ o ‘manakaw’ ang mga posibleng ebidensiya ng Chong expose. O kaya ay biglang ‘magresign, mag-AWOL o mag-retire’ ang sinumang empleyado na may kinalaman sa VCM transmissions. At kung MAMALASIN ng husto, baka ‘magkasakit o madisgrasya’t masaktan ng malubha o MAMATAY.

Huwag kalimutan ninuman, mga BUWIS at BAYARIN natin sa gobyerno ang GINASTOS sa 2016 elections, at ang patuloy na NAGPAPASUWELDO sa mga taga-Comelec at nagbabayad sa mga ginagastos na naturang ahensiya.

WALANG KUKURAP, WALANG MAGPAPALOKO AT WALANG BIBITIW, mga kababayan. Tulad ng kasabihan natin sa Tagalog, GINIGISA TAYO SA SARILI NATING MANTIKA. 30