MAHIYA NAMAN KAYO SA TAUMBAYAN, COMELEC!

Sa mga taga-Comelec: Kung WALA KAYONG BALAK NA SAGUTIN ang pagbubulgar ni Glenn Chong sa vote counting machines transmissions sa iba-ibang lugar ISANG ARAW PA bago ang 2016 elections, LUMAYAS na lang kayo sa mga puwesto ninyo!

MAHIYA NAMAN KAYO SA SAMBAYANAN, NA NAGPAPASUWELDO sa inyo mula sa mga buwis at bayarin namin gobyerno. May kahihiyan pa naman kayo siguro kahit kapiraso.

DETALYADO ang mga ibinulgar ni Glenn, lalo na iyong transmissions sa Ragay sa Camarines Sur. Ang mga ebidensiya ni Glenn ay mga record na sa INYO DIN GALING! May sarili kayong computer experts at mga abogado. PARTIKULAR na natukoy ang Ragay. Kaya kahit man lamang para sa Ragay ay hindi kayo kailangang abutin ng WALANG HANGGAN para magpaliwanag.

Pero HINDI NINYO MASAGOT si Glenn hanggang ngayon. Kahit INITIAL FINDINGS, wala kayong masabi hanggang ngayon.

Alin sa dalawa: ISANG TAMBAK KAYONG MGA INCOMPETENT, MGA WALANG BINATBAT, diyan sa Comelec o MAYROON KAYONG GUSTONG ITAGO sa sambayanan?

Anuman ang dahilan, nasa aming sambayanan ang LAHAT NG KARAPATAN para malaman ang KATOTOHANAN! Kahit sa bangungot (nightmare), huwag ninyong isipin na malilimutan din namin ang mga ibinulgar ni Glenn kapag tuluyan ninyo siyang hindi papansinin. HINDI MANGYAYARI IYON, TANDAAN NINYO. Lalo pa at WALA KAYONG MAIPAKITANG ANUMANG KREDIBILIDAD sa panig ninyo.

Kung  naniniwala pa kayo sa kabutihan at sa kaluluwa, at mahalaga pa sa inyo ang magiging reputasyon ng mga anak, asawa at kapamilya ninyo, MAGSABI NA KAYO NG TOTOO.  Bago maging huli ang lahat. 30