‘UNLI’ NA PANGAAPI KAY RICHARD SANTILLAN!

Baka hindi ninyo napapansin, mga kababayan, ‘UNLI’ O UNLIMITED na ang pangaapi kay Richard Santillan.

Eksaktong 90 araw na kahapon nang patayin ng walang laban si Richard noong Dec. 10 nung isang taon. Kilala ang mga nakapatay sa kaniya, pati na ang kanilang mga commanding general at mga immediate commanding officers nila.

Kabi-kabila na rin ang mga pisikal na ebidensiya na HINDI NAKIPAG-BARILAN si Richard sa mga pulis sa isang checkpoint sa Cainta kaya siya napatay. Tulad halimbawa ng pagiging NEGATIBO ni Richard sa gunpowder burns at ang humigit kumulang na 60 sugat sa iba’t-ibang bahagi ng katawan na hindi dahil sa tama ng bala.

Pero HANGGANG NGAYON, WALA pa ring inilalabas na final report ang PNP sa imbestigasyon sa nangyari na ginawa DAW nila. May mga CRIMINAL CASES nang isinampa ang boss ni Richard na si Glenn Chong laban sa mga general at immediate superiors ng mga nakapatay sa kaniya.

Pero HINDI NABABALITA na NIRELIEVE na ang mga ito ni PNP Director-General Oscar Albayalde o INOBLIGA na niya ang mga ito na sagutin  AGAD ang mga demandang inihain ni Glenn. Itama ako ninuman pero ni WALA ngang nababalitang anuman na may ginawa o iniutos na si Albayalde para matapos na agad ang kaso ng pagpatay kay Richard.

At ang matindi, mga kababayan, WALA RING ANUMANG LUMALABAS SA NATIONAL MEDIA tungkol sa ANO NA ANG NANGYARI sa kaso ni Richard. As in NONE. WALA ring ginagawang follow-up ang sinuman. Itama ako agad ninuman kung mali ako.

Kaya ito na lang ang masasabi ko, sa mga kinauukulan: PAGMULTUHAN NA SANA KAYO NI RICHARD araw-gabi. At itanim ninyo sa mga utak ninyo, TOTOO ANG KARMA.

                                                        ***

Makakatulong  po ng malaki para araw-araw akong makapag-post kung iki-click ninyo at titingnan ang mga advertisement sa paligid ng ating blog. Salamat po lagi sa tiwala. God Bless us all. 30