UNTOUCHABLE BA ANG MANILA WATER SA MWSS?

May isang tanong na tuloy-tuloy na lumulutang sa patuloy na krisis ng tubig sa eastern Metro Manila at iba pang lugar: UNTOUCHABLE BA ang Manila Water sa MWSS?

Pansinin ninyo, mga kababayan:

Buhat nang magsimula ang krisis sa tubig mahigit isang linggo na ang nakakaraan, WALANG PANG ANUMANG AKSIYON na ginagawa ang MWSS laban sa Manila Water. Ni ISANG SALITA man lamang ng galit o pagkondena sa INCOMPETENCE/KAPALPAKAN ng naturang kumpanya, WALA pang naririnig ang sambayanan mula sa MWSS.

Sa halip, GOBYERNO AGAD ANG PARTIKULAR na sinisi ni MWSS chief regulator Patrick Sy. Hindi binanggit man lamang ni Sy ang Manila Water.At nang magalit si Pangulong Digong Duterte, biglang dalawang  pagkakamali ng Manila Water ang dapat sisihin.

Ganun lang. Walang anumang pahayag ang MWSS na IIMBESTIGAHAN O PAGPAPALIWANAGIN man lamang ang Manila Water. O parurusahan sa anumang paraan para sa milyun-milyong patuloy na pinahihirapan ng krisis.

TERITORYO NG MANILA WATER ang may krisis. Na bilang concessionaire para sa eastern Metro Manila, RESPONSIBILIDAD LAMANG ng MWSS ang siguruhing hindi kakapusin ng tubig ang mga taga eastern Metro Manila.  ANUMAN ANG MANGYARI, gaya ng pagdami ng populasyon.

Pero patay malisya, o ‘dedma’, na ang MWSS sa Manila Water. Sila na ang DALDAL NG DALDAL ngayon sa media sa halip na ang naturang kumpanya. Tulad ng sinabi ko sa nauna kong blog, lantaran na tayong GINAGAGO NA SAMBAYANAN.

Kung hindi untouchable ang Manila Water sa MWSS, kumontra na ang kokontra.

                                                       ***

Makakatulong  po ng malaki para araw-araw akong makapag-post kung iki-click ninyo at titingnan ang mga advertisement sa paligid ng ating blog. LIbre ho ang magclick. Salamat po lagi sa tiwala. God Bless us all. 30