NASA MALAKING PANGANIB TAYO, MGA KABABAYAN!

Nasa MALAKING PANGANIB tayo, mga kababayan.  Panganib na PROTEKTADO at magdudulot ng HIRAP AT TAKOT sa atin kapag HINDI NATIN SAMA-SAMANG LALABANAN. Isipin ninyo ito:

Halos ARAW-ARAW, MAY BAGONG BALITA tungkol sa pagpatay kay Rep. Rodel Batocabe.

Iyong actual na krimen. Reaksiyon ng kung sino-sinong pulitiko at mga gimik nila tulad ng reward money. Ang pinakabago sa kaso, tulad ng sinabi ng mga testigo sa gmanews.tv na tatlo sa mga  killer ay  nakihalubilo pa sa madla sa pinangyarihan ng pagpatay. Laging MAY BAGONG BALITA. At AGAD-AGAD na nilalabas ng national media. As in AGAD. Kahit na TATLONG ARAW PA LAMANG ang nakakaraan matapos patayin si Batocabe.

Pero iyong pagpatay kay Richard Santillan mahigit dalawang linggo na ang nakakaraan, KAHIT ISANG SALITA WALA NANG LUMALABAS sa national media. WALANG anumang sariling follow-up na ginawa ang national media. Samantalang TUKOY ANG LUGAR na pinangyarihan ng krimen, at ang mga pinanggalingan ng mga pulis na nakapatay kay Richard.

WALA na ring inilalabas na bagong development sa kaso ang PNP.  Hanggang ngayon, WALA PANG LUMALABAS NA KUMPLETONG LISTAHAN ng mga kasangkot na pulis. Lalo nang WALANG PALIWANAG hanggang ngayon sa mga agad na nakitang mga senyales ng KAWALANGHIYAAN -- 16 na oras bago sinabihan ang pamilya ni Richard na patay na siya,  hindi pulisya ang nagsabi kundi ANONYMOUS TEXTER PA, mga bakas ng torture sa bangkay ni Richard, mga BUONG WINDSHIELD ng sasakyan ni Richard samantalang nakipagbarilan ito KUNO sa pulis kaya pinatay at marami pang iba.

Idagdag pa rito ang LANTARANG PATULOY NA PAGTATAGO ng resulta ng recount ng mga botong sakop ng protesta ni Bongbong Marcos laban kay Leni Robredo. Kahit na WALA RING MAIBIGAY NA JUSTIFICATION HANGGANG NGAYON ang sinuman kung bakit ganoon.

Tulong-tulong at garapalang WALANGHIYAAN ang mga nangyayaring ito. Hindi ito ginawa, at ginagawa pa, ng mga DEMONYONG NAMAMAHALA dahil trip o feel nilang gawin. May alagad ng impiyerno na naguutos.  

Kung magtatagumpay ang mga diyablo na ito, isipin ninyong mabuti kung anong KLASENG KASAMAAN pa ang makikita at daranasin natin kapag sila na ang maghahari sa bansa.

Nasasa atin ang desisyon, mga kababayan. 
                                                                   ***
Salamat sa mga patuloy na nagki-click at tumitingin sa mga advertisement sa paligid ng ating blog. Nakakatulong iyon para araw-araw akong makapagpost. God Bless. 30