DAYAAN 2016 MUNA, PIMENTEL, BAGO ANG LAHAT!

Kahapon pa nasa national media na magsasagawa AGAD ng imbestigasyon si Joint Congressional Oversight Committee (JCOC) co-chairman Koko Pimentel tungkol sa pitong oras na delay sa transmission ng Comelec transparency server at iba pang isyu noong eleksiyon.

DAYAAN 2016 muna ang tapusin mong imbestigahan, Pimentel, bago ang kakatapos lang na eleksiyon.

BIGLA MONG ITINIGIL ang imbestigasyon, WALA nang naging hearing, sa dayaan 2016 hanggang sa magsimula ang kampanya. Kahit na ang dami nang PISIKAL NA EBIDENSIYA na inilabas sina Bongbong Marcos at Glenn Chong. Tulad ng mga pekeng resulta ng botohan na pinadala sa Ragay sa Camarines Sur ISANG ARAW PA bago ang botohan. At mga squares sa tabi ng pangalan ni Leni Robredo sa balota gayong wala ang mga ito bago bumoto ang botante.

BILYONG PISO na ng pera ng sambayanan ang NAUUBOS SA TADTAD ng kaduda-dudang bagay sa panunungkulan ni Robredo bilang bise-presidente. Saan man daanin. HINDI TAMA NA ‘UNLI’ NA MAGDUSA ANG SAMBAYANAN sa suweldo at mga gastusin ni Robredo nang WALANG 100 PORSIYENTONG KATIYAKAN NA LEGAL ang panunungkulan niya.

Sa July 1 uupo ang mga nanalo sa eleksiyon noong Lunes, Pimentel. At TATLONG TAON nang patuloy na NAKABITIN SA HANGIN at NAGDURUGO ANG BULSA ng sambayanan dahil sa dayaan 2016.

Hindi kailangan ang genius para maintindihan ling ano ang dapat mong unahing imbestigahan.

                                                     ***

May bago din po tayong FB page, FREE-FOR-ALL.Type lang ang FREE-FOR-ALL sa search box at enter. At makakatulong po ng malaki para araw-araw akong makapag-post kung iki-click ninyo at titingnan ang mga advertisement sa paligid ng ating blog. Salamat po lagi sa tiwala. God Bless us all. 30