HEARING SA DAYAAN, BINITIN NA NI KOKO

Pati hearings sa dayaan noong 2016 election, binitin na rin.

Humigit-kumulang sa dalawang buwan na mula nung huling hearing sa Senado sa pangunguna ni Sen. Koko Pimentel. HINDI NA NASUNDAN IYON AT WALANG INDIKASYON na masusundan pa. Kahit na WALA PA TAYONG ALAM NA SAMBAYANAN tungkol sa mga ebidensiya ng dayaan na nabulgar na, tulad ng pagpapadala ng mga vote counting machines (VCM) ng resulta kuno ng botohan sa Ragay, Camarines Sur, ISANG ARAW PA BAGO ANG ELEKSIYON.

Ano pa ang problema, senator?

Tapos na ang kasal mo. Tapos na rin ang pag-file mo ng certificate of candidacy para sa eleksiyon sa isang taon. Wala namang nababalitang may super-bigat kang problema na dapat tutukan ng husto.

At lalong walang nababalitang banta sa national security, gaya ng posibleng giyera o civil war, kung itutuloy ang hearing o imbestigasyon. Kaya ano ang problema at hindi mo maipagpatuloy?

Tiyak namang hindi mo nalilimutan, senator, na BILYUN-BILYON ng pinaghirapan nating buwis ang ginastos sa halalan noong 2016. Kaya may karapatan ang sambayanan na malaman kung sino o sino-sino ang mga NANGWALANGHIYA noong eleksiyon. At mabigyan ng KATARUNGAN ang MILYON-MILYONG BOTO na binaboy ng mga animal na iyon.

Whatever is your reason for stopping the hearings, Koko, you had better be transparent and truthful to the people. You are a candidate in next year’s polls. Unless you clear everything your victory, IF EVER, will be in doubt.

Surely, YOU WOULD NOT WANT THAT! 30