From: Pilipino Star Ngayon
philstar.com
Tumanggi na kahapon ang Malacañang na magkomento
sa ‘word war’ sa pagitan nina Senate President Juan Ponce Enrile at Sen.
Antonio Trillanes.
Ayon kay Deputy Presidential Spokesperson Abigail Valte, hindi na
muna sila magkokomento lalo na sa usapin kung “unparliamentary” ang ginawa ni
Trillanes na harapang pagbatikos sa liderato ni Enrile.
Ilang mambabatas ang nagsabi na bukod sa ‘unparliamentary’ walang
respeto at walang galang sa nakakatanda si Trillanes.
Tumanggi rin si Valte na kumpirmahin kung tuloy pa rin ang
gagawing patagong pakikipag-usap ni Trillanes sa China
“That I do not know at the moment. Ultimately, that is the
President’s decision and as the President said yesterday, he is yet to speak in
person to Senator Trillanes,” ani Valte.
Ipinagtanggol ni Valte ang Malacanang tungkol sa mga batikos
kaugnay sa kawalan ng transparency sa patagong pakikipag-usap ni Trillanes sa
gobyerno. Sinabi nitong napaka-sensitibo ng mga sangkot na isyu kaya nanatili
itong ‘confidential’.###
No comments:
Post a Comment