Friday, November 17, 2017

MAGARAL KA MUNA, MOCHA, BAGO KA MAG-SENADOR!

Image result for mocha uson






18 Nov. 2017

Hindi ko kilala ng personal si Mocha Uson pero payong kapatid ito sa kaniya: MAGARAL KA MUNA NG BATAS AT PULITIKA bago ka kumandidatong senador. Kahit na si Pangulong Digong Duterte pa ang magsabi sa iyo na tumakbo ka.

Alam mong HINDI KA PA QUALIFIED para maging senador.  Paggawa ng batas ang pangunahing trabaho ng senador, Mocha. Pero right against self-incrimination lang, na basic sa Batas, hindi mo alam. Kaya manalo ka man bilang senador, alam mong darating at darating ang panahon na pagtatawanan o iinsultuhin ka, o kaya ay hindi igagalang dahil sa kakulangan mo ng kaalaman, Tiyak namang ayaw mong mangyari iyon hangga’t maaari, kahit minsan.

Hindi mo ko tagahanga, Mocha, pero sa nakikita ko, naniniwala rin ako tulad ng marami na tunay mong gustong makatulong sa kapuwa. Pero MAS MAKAKATULONG KA NG MAS EPEKTIBO KUNG PAGHAHANDAAN MO MUNA ang pagtulong na iyon. Tunay kang igagalang at sasaluduhan ng sambayanan.

Kahit na naguumapaw ang mga followers/tagahanga mo na boboto sa iyo para senador, hindi magiging kahiya-hiya sa kanila kung magaaral/maghahanda ka muna. Maniwala ka, Mocha, MAS MAMAHALIN ka nila.  Tutal, batang-bata ka pa.  


Kahit saan, kahit kalian, WALANG MASAMA KUNG MAGPAPAKATUTOO ang sinuman. 30

5 comments:

  1. Asus si Lito Lapid nga naging SENADOR eh Lalo Na si Cory Aquino house wife naging Presidente!?? Why not Mocha Abogado Tatay nyan.

    ReplyDelete
    Replies
    1. May pinag aralan ka nga, lahat halos ng edukasyon sa mundo na sayo na pero kung wala ka naman pusong serbisyo-publiko para sa nakararaming Filipino, wala ka pa ring kwentang public servant! Di bale nang kulang sa edukasyon, kung punung-puno ka naman ng kabutihan sa puso para sa masa, doon ako papanig! Maliban kay Manny Pacquiao, masasabi nating lahat ng Senador ay may mga matataas na tinapos ng pag aaral pero nasaan ang kanilang mga puso?!? Nasa kanilang mga bulsa!!! ��

      Delete
  2. Di Pa NGA Senadora pero marami Ng nagagawa para Sa Bayan 😍 EDI Lalo Na kung maging SENADOR si Mocha Mas marami syang matutulungan Kasi sya Ang Boses Ng Karaniwang mamamayan Filipino 😊

    ReplyDelete
    Replies
    1. at tulad ng sinabi ko sa sinulat ko,mas makakatulong soya ng mas epektibo kung magaaral muna siya ng batas/pulitika. wala akong sinabing wala syangpinagaralan o hindi soya puwedeng senador.

      Delete
  3. Magandang payo para kayMs Mocha Uson, subalit kagaya ng sinabi ko, alam ni Ms Uson ang kanyang mga "limitations." PERO pag inanyayahan siya ng Pangulo ng Pilipinas na tumakbo bilang senador, sino ba si Ms Uson para timanggi. At isang bagay pa, palagay ko naman, mas mataas ang "educational attainment" ni Ms Mocha Uson kaysa kay SENATOR MANNY PACQUIAO na grumaduate sa College of Hard Knocks.

    ReplyDelete