HUWAG PALOKO SA PA-POGI NI ROXAS!

Sa isang balita sa inquirer.net kahapon, binansagang Santa Cluas si Interior and Local Government Sec. Mar Roxas  para sa mga nakaligtas mula kay  Supertyphoon “Yolanda” sa Visayas dahil sa pamimigay nito ng tulong-pinansyal mula sa gobyerno.

HUWAG TAYONG PALOKO SA PA-POGI na ito ni Roxas, mga kababayan.

Unang una: HINDI SARILING PERA ni Roxas ang pinamigay niya, kaya WALANG DAHILAN para tagurian o ituring siyang Santa Claus ng kahit na sino. PERA NG BAYAN IYUN!

PERA NATIN, mula sa SARI-SARING BUWIS at iba pang binabayaran natin kapag may kailangan tayo sa gobyerno.

Pangalawa: HINDI SI ROXAS ang tumulong kundi ang gobyerno. Kaya nananawagan ako sa ating mga kababayan sa Visayas na HUWAG MABULAGAN na sI Roxas ang tumulong sa kanila.

Si Roxas lang ang nagdala ng tulong. Kumbaga, DELIVERY BOY LANG SIYA.

Pangatlo: OBLIGASYON, o trabaho, ni Roxas na maging bahagi ng pamimigay ng tulong dahil sa siya ang Interior and Local Government Secretary. At hindi dahil sa ganoon siya kabait.

Kaya isipin sana ng mga kababayan natin sa Visayas na WALA SILANG DAPAT TANAWING UTANG NA LOOB kay Roxas sapagkat siya ang nagdala ng tulong sa kanila.

HINDI KO SINASABING BALE-WALA ang tulong-pinansiyal na pinamigay ni Roxas. Walang kwestiyon na malaking bagay ito sa mga nabigyan.

Pero kasabay nito ay DAPAT DING IPALIWANAG ni Roxas kung bakit NGAYON LANG naipapamigay ang pera, halos LIMANG BUWAN NA matapos manalanta at pumatay ng libu-libong tao si ‘Yolanda.’

BAKIT HINDI MAS MAAGA?

Kung nagagawa ng gobyerno ni PNoy na AGAD MAGPALABAS NG DAAN-DAANG MILYON  para sa ibang bagay, tulad ng pondo mula SA DAP noong impeachment trial ni noo’y Chief Justice Renato Corona,  bakit hindi magawa para sa mga biktima ni “Yolanda?’

At ang mas mahalaga, bakit WALA  PANG MAILABAS NA DETALYADONG ULAT ang gobyerno KUNG SAAN NAPUNTA ang daan-daang milyon o bilyon na salaping DONASYON mula dito sa Pilipinas at mula sa IBA-IBANG BANSA para sa mga nasalanta ni ‘Yolanda.”

WALA TAYONG GARANTIYA, mga kababayan, na ang mga pinamimigay na tulong-pinansyal ng gobyerno ni PNoy ay hindi galing sa mga donasyon.

Tulad ng kasabihan natin sa Tagalog, baka GINIGISA NA TAYO SA SARILI NATING MANTIKA. 30