DAGDAG SWELDO, ‘PA-POGI’ LANG NI PNOY

 Nov. 11, 2015

‘PA-POGI’ LANG NI PNOY ang panukalang dagdag-suweldo para sa mga empleyado ng gobyerno. At kung MAMALASIN pa ang mga KARANIWANG  manggagawa, baka ABONADO pa siya sa magiging DAGDAG sa income tax niya dahil sa kaniyang umento.  Kumbaga, sa halip na GRASYA ay baka maging DUSA a ang umento.

Liliwanagin ko na agad, HINDI AKO TUTOL sa salary increase sa mga taong gobyerno. Hindi ako taong gobyerno pero MATAGAL na dapat iyan. Pero tulad ng alam ng lahat, kapag LUMAKI ang sweldo ay LALAKI rin ang income tax na dapat bayaran. Kaya’t yung humigit kumulang na karagdagang P500 suweldo taon-taon sa susunod na apat na taon ay baka PANDAGDAG lang sa income tax. Hindi bale sana kung BABABAAN ang income tax rate pero MATIGAS pa ring tinatanggihan ito ni PNoy.

Isa pa, sa SOBRANG KAMAHALAN ng lahat ng bagay ngayon, ANO NA LANG ANG MABIBILI ng P500? Baka PAMASAHE lamang papasok at pauwi galling sa eskwela o trabaho ay hindi kumasya yan sa loob ng Isang linggo man lamang. Higit sa lahat, isipin ninyo itong mabuti, mga kababayan: BAKIT NGAYON LANG tataasan ang suweldo ng mga taong gobyero, KUNG KAILAN MALAPIT na ang eleksyon?

Kung hindi rin lang ibababa ang incoe tax rates at mga presyo ng pangunahing bilihin at pangangailangan tulad ng pagkain at kuryente, isang MAPANLINLANG na gimik pulitika lamang ang dagdag sweldo sa taong gobyerno, GUWAPONG GUWAPO si PNoy at ang tribu niya sa paningin ng mga madadagdagan ng P500 yearly sa susunod na apat natin. Pero  kung iisiping mabuti, BALE-WALA ito. INUUTO lan gkayo ni PNoy na may MALASAKIT SIYA sa inyo, na may dapat kayong tanawaing utang na loob kapag siya naman ang humiling ng inyong mga boto para sa mga tao niya sa eleksyon. HUWAG KAYONG PABUBULAG, PALOLOKO! 30