NEWS BLACKOUT ULIT SA MGA BAGONG DAYAAN

NEWS BLACKOUT na naman sa mga BAGONG DAYAANG IBINULGAR ni Glenn Chong.

Ibinulgar ni Glenn sa hearing sa Senado noong Miyerkules na yon sa mga dokumentong kaniyang nakuha, umabot sa 555,896 votes ang nairecord sa transparency server. Pero nang naitransmit na ang mga ito sa Comelec Central Survey, umabot LAMANG SA 213,814  boto ang nabilang. KULANG NG 342,082 BOTO. Idinagdag pa ni Glenn na kung susumahin ang bilang ng mga boto na narecord sa lahat ng canvassing systems ng Comelec, aabot 193,429,513. PERO nang naitransmit na ang mga ito sa Comelec Central Survey, umabot lamang sa 193,187,801 ang bilang ng mga boto. KULANG ng 241,712.

Heto ang akin: Nang hingan ng komento sa hearing ang isang opisyal ng Comelec, WALA ITONG NASABI KUNDI TITINGNAN daw nila ang kanilang logs. Dahil sila man daw ay nalalakihan.

Kundi ba naman tayo TINATARANTADO, mga kababayan, 342,082 BOTONG KULANG HINDI NILA NAPANSIN MULA’T SAPUL? Tiyak namang walang aamin sa kanila na isang tambak silang kung hindi mga TANGA AY IRESPONSABLE. Gayundin ang 241,712 BOTONG KULANG sa nabilang ng Comelec Cenral Survey kointra suma total ng lahat ng botong nabilang ng lahat ng canvassing systems.

Mula kahapon hanggang sa sulatin ko ang blog na ito ngayon, WALA ni isang mainstream media company na NAGBALITA NG MGA IBINULGAR ni Glen. Kahit na HARAPAN NIYA ITONG PINALIWANAG sa publiko, sa harrap ng mga camera. Ang mga lumabas na balta tungkol sa hearing ay PAPURI, ‘PA-POGI’ LAMANG sa Comelec, tulad ng 82 hakbang na isinagawa nito para mapaayos ang automated election cheating.

PA-GRABE NG PA-GRABE ANG HARAP-HARAPANG PANGGAGAGO sa atin, mga kababayan, pagdating sa dayaan sa halalan noong 2016.

Pansinin ninyo, ang dayaan ay nasa LEBEL NA NG COMELEC, hindi lang sa lokal. At sangkot na naman ang TRANSPARENCY SERVER, na tulad ng alam na nating lahat ay PINAKIALAMAN NG WALANG PERMISO ng Smartmatic noong unang gabi ng bilangan. PAKIKIALAM NA AYAW IPAKITA ng Comelec hanggang ngayon. 30