HOW CAN PARENTS FIGHT ILLEGAL DRUGS!

20 June 2017

Here’s an excerpt from my booklet “Ang Impiyerno sa Lupa: DROGA!” on the role of parents in the fight against illegal drugs:

PARA MAS LUMAWAK AT MAGING EPEKTIBO ANG PAGSUGPO NG DROGA, ANG BAWAT SEKTOR NG LIPUNAN AY MAY KANI-KANIYANG PAPEL NA MAAARING GAMPANAN.

MAGULANG:

Lumikha ng maganda at mabting pagtitinginan sa pamilya. Ipagkapuri at ipagmalaki ang inyong mga anak sa kanilang mga tagumpay o pagkilala (recognition) na tatanggapin sa eskuwela o trabaho.

Maging handing makinig o dumamay anumang oras kung may ilalapit o ipagtatapat sila sa inyong problema. Kung kinakailangan ay samahan sila sa paglutas ng problema. Saluhan sila sa tagumpay man o kabiguan.

Alamin ang mga bagay-bagay tungkol sa mga ipinagbabawal na gamot at ipabatid ang mga ito sa inyong mga anak sa isang tapat na talakayan o discussion. Magbasa o magtanong-tanong tungkoll sa problema sa droga sa inyong lugar o sa buong bansa at hikayatin ang inyong mga anak na sumama sa inyo.

Ang Philippine Drug Enforcement Agency, Philippine National Police, Dangerous Drugs Board at mga lokal na anti-drug abuse councils ay may mga malalawak na library tungkol sa droga.

Iwasan ang sobra-sobrang sermon o pangangaral. Panatilihin ang mabuting pakikipag-ugnayan sa kanila Subalit tiyakin ang pagpapatupad ng inyong sariling mga regulasyon laban sa droga sa loob ng tahanan.

Ipakita sa pamamagitan ng inyong sariling halimbawa na ang masayang buhay ay hindi nangangailangan ng droga. Subalit oras na matuklasan ninyong may addict sa pamilya ay agad na ipagamot ito. Ang isang addict ay ipaglalaban ang kaniyang mga kapuwa addict. Subalit agad siyang matatauhan sa sama-samang paliwanag at pagmamahal ng buong pamilya.  Huwag na huwag pabayaang lumala muna siya..

Engganyuhin o iencourage ang inyog mga anak na tumuklas ng mga bagong larangan o interes na mabuti sa kalusugan ng katawan at isip.

Pagsikapan ninyong makilala ang mga kaibigan ng inyong mga anak at patnubayan sila sa sa pamimili ng mga kakaibiganin pa. Kaugnay nito, makipagugnayan sa mga magulang ng mga kaibigan ng inyong mga anak upang kayong lahat ay makapag-palitan ng inyong mga nalalaman hinggil sa droga.  Magpalitan din kayo ng impormasyon hinggil sa mga pusher, addict at bentahan ng droga sa inyong mga kapaligiran. 

Para mas epektibo, magtayo kayo ng samahan at sama-sama ninyong pangaralan sa isang kalmado at mapag-paalalang paraan ang sinumang kabataan na gumagamit ng droga. Suportahan ang isa’t-isa kung iintrigahin kayo ng mga pusher o addict upang mawasak ang inyong samahan.