BANTAYANG MABUTI ANG COMELEC, SMARTMATIC!

SMARTMATIC'S MARLON GARCIA

11 June 2017

Sama-sama na nating BANTAYANG MABUTI ang Comelec at ang Smartmatic, mga kababayan. Mala-Philippine Marines na pagbabantay sa LAHAT ng kanilang gagawin mula ngayon.

Pansinin ninyo: Mula nang lumabas sa media ang desisyon ng Department of Justice (DOJ) na kasuhan sa korte ang lahat ng kasangkot sa hindi-awtorisadong pagbabago sa script ng transparency server noong 2016 elections, WALANG ANUMANG NABALITANG PAGKILOS O PAHAYAG ang Comelec at Smartmatic na HAHARAPIN NILA NG MAAYOS ang magiging kaso. Itama ako ninuman kung mali ako.

WALANG PAHAYAG ang Comelec at Smartmatic na WALANG AALIS sa kani-kanilang mga tauhan na kasama sa makakasuhan. WALA ring nababalitang gumawa na sila ng hakbang para MATIYAK ITO. Kung matatandaan ninyo, mga kababayan, isang engineer na ng Smartmatic na kasama sa usapn, si Mauricio Herrera, ang NAKATAKAS ilang buwan na ang nakalilipas.

AYAW pa rin IPAKITA AT IPAEKSAMIN ng Comelec sa mga taga pribadong sektor. ang hindi awtorisadong pagbabago na ginawa ng Smartmatic sa script ng transparency server, kahit MAHIGIT ISANG TAON NA matapos ang pangyayari Gayon din ang Smartmatic.

At bukod sa server script, halos WALA RING NABABALITA kung ANO NA ANG NANGYARI sa iba pang POSIBLENG ebidensiya ng dayaan na nasa pangangalaga ng Comelec. Tulad ng mga SD cards na NAKITAAN NG LAMAN  matapos ideklara ng Comelec na HINDI NAGAMIT noong halalan, at sa mga kagamitan na sakop ng protesta ni Bonbgbong Marcos laban kay Leni Robredo na ‘nabagsakan’ kuno ng kisame sa warehouse ng Comelec at Smartmatic.

Walang kukurap, mga kababayan. Baka maraming MAGLAHO, baka MABIGLA  na naman tayo.30